24
Нед, Сеп
Корисни текстови

Совети за возење на снег

За оние најупорните за кои ни снегот не е пречка, подготвивме неколку совети за возење во услови на снег на коловозот.

Следете нè на:

 

За оние најупорните за кои ни снегот не е пречка, подготвивме неколку совети за возење во услови на снег на коловозот.

159660131 Riding Motorcycle in Snow Matt Cady Getty e1392827206860

Набиен снег

Набиениот снег е најлошата комбинација кога станува збор за возење. Неколку часа претходно на него веќе возеле автомобили и поради тое е лизгав и многу тежок за возење. Тазе паднатиот снег е многу полесен за возење и помалку ризичен. Исто така многу поголеми се шансите да се лизнете доколку ги следите трагите кои веќе ги има на улицата.

Не правете две работи истовремено

Исто како и при возење на влажни услови, немојте да правите неколку работи истовремено. Стиснете на сопирачката па потоа управувајте со мотоциклот. Завртете па потоа забрзајте. Контактот на мотоциклот со асфалтот е многу мал па затоа немојте да притискате на сопирачката додека влегувате во свиок. Без разлика колку добро го правите тоа на суви услови, големи се шансите во ваков случај да паднете.

Возете во повисока брзина

Ова ќе направи вашиот мотоцикл многу подобро да реагира на снегот и ќе имате подобра контрола над него.

Бидете нежни со контролите

Ова важи за се: сопирачки, гас, управување. Доколку не сте „лесни“ со контролите многу лесно можете да загубите концентрација и да притиснете на гаста повеќе отколку што треба.

Доколку се приближувате до некој свиок, притиснете на сопирачките многу порано. Исто така држете и соодветно растојание со останатите возила. Користете ги и двете сопирачки за да оддржите баланс на мотоциклот и да не ја оптеретите премногу предната гума. И запомнете, запрете пред да влезете во свиокот.

Не ја вртете рачката за гаста се додека не се најдете на правец. Дури и тогаш немојте нагло, туку тоа направете го внимателно и постепено.

Не брзајте

Немојте да се правите херои, движете се побавно. Фокусирајте се на возењето и бидете што е можно повеќе релаксиран. Нема да добиете дополнителни поени доколку стигнете побрзо.

Секогаш бидете подготвени

Доколку подолго време возите на снег лесно може да се опуштите но не заборавајте дека снегот крие многу опасности. Под свежо наврнатиот снег може да се крие слој на набиен, замрзнат снег или нешто комплетно различно.

Облечете се убаво

Многу полесно ќе останете концентрирани доколку не се тресето од ладно.Облечете се убаво. Вратот нека ви биде заштитен за да не ви влезе снег или за да не ви дува ветер. Сите пропусти во облеката ќе бидат искористени од ладното. Погрижете се рацете да ви бидат соодветно заштитени. Нема ништо полошо од тоа да се обидувате да возите опуштено, а рацете ви се замрзнати и ништо не чувствувате. Ако ви е ладно запрете и обидете се да ги загреете дланките кај издувот.

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!