MK мотоциклисти на меѓународни трки

Победи за Бузалковски и Спиров во Грција!

Последната рунда од БМУ Европскиот шампионат во брзински мотоциклизам започна одлично за Бузалковски и Спиров кои забележаа победи во своите класи.

Следете нè на:

 

Тројца Македонци викендов на патеката Серез во Грција се натпреваруваат на последната рунда од БМУ Европскиот шампионат во брзински мотоциклизам. 11-та и 12-та трка на програмата се денеска и утре. Денешниот ден започна одлично за Бузалковски кој забележа победа во SP125, а Спиров победи во класата F1000.

seres trka21 15Победа за Бузалковски во Серез

Нашиот единствен претставник во класата SP125 извозе одлична трка на поплавената патека во Серез и дојде до втората победа во сезоната. Бузалковски (МК Ендуро Тим - Водно Скопје) возеше без грешка, оставајќи ја конкуренцијата далеку зад себе. Падот на Жулиета Ленкова дополнително ја зголеми бодовната разлика, па така сега во генералниот пласман Бузалковски се наоѓа на третата позиција со 211 бодови, зад Милен Георгиев со 219 и водечката Жулиета Ленкова со 224. Заостатокот од само 13 бодови од првата позиција ветува возбудлива трка во текот на утрешниот ден. Нашите возачи се бодуваат и за Бугарскиот национален шампионат, а во него Бузалковски е на првата позиција!

seres trka21 29Одлична борба на Спиров и Ивчески за првата позиција

Во класата F1000 Игор Спиров - Зизи (МК Ендуро Тим - Водно Скопје) стартуваше од петтата позиција, а Слободан Ивчески - Цобо (МК Сакамото) од шестата. Нашите возачи веќе во првиот круг веднаш по стартот избија на првата и втората позиција и ја предводеа колоната. Мократа патека не дозволуваше да се одвојата од групата на возачи но Ивчески успешно предводеше, а Спиров го следеше. На половина од трката Спиров го превзема водството кое го задржа до самиот крај. Ивчески беше веднаш зад него но заради грешка доживеа пад кој го оддалечи од подиумот. Ивчески ја продолжи трката и на крајот финишираше на 10-та позиција и прокнижа 6 бода. Во генералниот пласман тој сеуште е на водечката позиција со 141 поен, пред Петар Дианов (Бугарија) со 120 и Спиров со 118. За Спиров ова беше прва победа во сезоната, со 25-те поени сега тој во генералниот пласман се наоѓа на само 2 бода зад второпласираниот Петар Дианов и се надеваме дека на утрешната трка ќе успее да го помине. Во бодувањето за Бугарскиот шампионат Ивчески е водечки, а Спиров веќе е второпласиран.

seres trka21 30Прва победа за Спиров во сезоната

comments

Би можело да ве интересира

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Со оглед на тоа дека се влошува временската состојба, беше донесена одлука да се одложи деветата етапа, а тимовите да се префрлат во следниот камп кој се наоѓа во Салта, Аргентина.

Сем Сандерленд заздравува од повредата поради која мораше да се повлече од релито Дакар и веќе во текот на денешниот ден се очекува да се врати во Европа.

Корпорацијата Honda Racing објави дека Алберто Пуиг ќе биде назначен за нов тимски менаџер на тимот Repsol Honda. Тој ќе стартува со извршување на новата функција започнувајќи од првиот MotoGP тест од сезоната кој ќе се оддржи од 28-30 јануари на патеката во Малезија.

Како што одминуваат деновите од релито Дакар, се чини дека победата која ја постигна Жоан Бареда на петтата етапа ќе биде од голема важност.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!