Откако се повлече од јавноста во изминативе две децении без некоја очигледна причина, Cagiva повторно ќе се појави на пазарот како комплетно нов мотоцикл.

Според Џовани Кастелиони, носителот на правата на брендот Cagiva, новиот мотоцикл најверојатно ќе биде електричен и ќе биде наменет за оф роуд натпреварување. Во моментов нема објавено дополнителни детали.

Во осумдесетите години од минатиот век, Cagiva беше дел од кампањата во која беа преземени Ducati, Moto Morini, Husqvarna како и трговските права за брендот MV Agusta. Десет години подоцна Ducati и Moto Morini беа одново продадени, а за Cagiva речиси сите престанаа да зборуваат. MV Agusta стана главниот бренд и ги опфати Cagiva и Husqvarna.

Во светот на мотоциклите Cagiva го започна своето постоење во мотокрос класата. Тие најпрво ги подржуваа, а потоа и влегоа во светот на Гран При трките, а првата победа ја постигнаа на патеката во Унгарија во 1992 година. Тие исто така беа дел и од релито Дакар.

За возење на асфалт, првиот мотоцикл на Cagiva беше Alazzurra 350 кој имаше мотор од Ducati. Последниот модел кој го направија беше Xtra Raptor 1000 и беше придвижуван со помош на мотор од Suzuki. Произодството на мотоциклите на Cagiva престана во 2012 година.

Според motorcycle.com, компанијата најверојатно на пазарот ќе се појави со имињата на кои се уште има сопственост, Mito, Elephant и SST.

EICMA мото саемот ќе се оддржи во ноември во Милано, Италија и сигурно до тогаш ќе се појават нови информации за брендот.