Во мото индустријата во овој момент кружи една информација дека Kawasaki Ninja H2 наскоро ќе добие „sport-touring“ верзија.

Ми се допаѓа оваа гласина и што таа ни кажува. А особено ми се допаѓа фактот дека таа е постојано присутна и никако да исчезне. Во мото индустријата во овој момент кружи една информација дека Kawasaki Ninja H2 наскоро ќе добие „sport-touring“ верзија. Овој Kawasaki Ninja H2 GT, како што некои го нарекуваат, ја зема оригиналната верзија и ја прави малку подобра, особено за возење на подолги релации.

Останува да видиме како Kawasaki планира да ја прошири „supercharger“ линијата на мотоцикли: дали ќе има само мала промена за да се приспособат на различните видови на возење или пак од компанијата ќе дебитираат со целосно нов дизајн на шасијата.

Исто така ќе биде интересно и да се види со што Kawasaki планира да им стане конкурент на новите Honda Gold Wing и BMW K1600GT серии и дали ќе им понуди нешто повеќе на возачите од она што во моментов го има.

Се чини дека Kawasaki ќе се одлучи за другата опција, да понуди нешто повеќе при подолги патувања. Но во секој случај, тоа сигурно ќе биде нешто спортско, како што направи Австриската компанија со KTM 1290 Super Duke GT.

Времето ќе покаже која од овие гласини на крајот ќе излезе како точна.

Извори: Canada Moto Guide и Moto-Station