Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот. И двата мотоцикли ќе се најдат на пазарот во Македонија следното лето, а новата верзија очекуваме да биде за 2000 евра поскапа од основната верзија.

Од Јапонската компанија велат дека овој мотоцикл е подготвен за возење на потежок терен, а за таа цел е опремен со подобра суспензија како и поголем резервоар за гориво со кој ќе можете да поминете повеќе километри. Покрај овие додатоци, тој има поголем преден и заден штитник за кал, повисоко ветробранско стакло како и греачи на рачките. Adventure Sports исто така доаѓа и со простор за багаж на десната страна на мотоциклот во кој ќе можете да ставите дел од вашите лични работи како и алат.

Подобрувањата на платформата започнуваат кај 998 cc SOHC parallel-twin моторот кој сега има нова воздушна кутија како и редизајниран издув. Пумпата за вода сега се наоѓа внатре во оклопот за кумплунгот, а на главата на цилиндарот има инсталирано термостат.

Меѓу новите додатоци е и новата Литиум – Јонската батерија која сега тежи 2,3 килограми помалку отколку стандардната единица, „throttle-by-wire“ систем со индивидуални режими на возење како и системот HSTC. Тој сега има седум нивоа за полесно да се адаптира на различните услови.

Honda се уште не објави какви бои ќе има стандардниот Africa Twin но напомена дека Adventure Sport ќе ја има специјалната Бела/Сина/Црвена шара. Во моментов се уште не е позната ниту цената на овие модели.