Андреа Довициозо имаше добар настап на мократа патека во Мотеги за време на првиот ден за тренинг. На крајот тој успеа да направи предност од неколку десетинки пред ривалот за титулата, Марк Маркез.

Андреа Довициозо имаше добар настап на мократа патека во Мотеги за време на првиот ден за тренинг. На крајот тој успеа да направи предност од неколку десетинки пред ривалот за титулата, Марк Маркез.

Маркез имаше среќа што денот го заврши без да се повреди откако пред самиот крај на тренингот тој излета од патеката. Сепак, на крајот тој успеа да стигне до второто место и покрај импресивниот настап на возачот на Aprilia, Алеш Еспаргаро.

Хорхе Лоренцо заврши на четвртото место и покрај малиот контакт кој го имаше со Кал Кратчлоу. На крајот тој заврши пред најдобриот возач на Yamaha, Јохан Зарко. Возачите на фабричкиот тим на Yamaha, Маверик Вињалес и Валентино Роси завршија на единаесетото и дванаесетото место .

Данило Петручи беше шести, а веднаш зад него се најдоа Андреа Ианоне и Дани Педроса. Кал Кратчлоу и дебитантот Алекс Ринс ги заокружија првите десет места.