MotoGP

MotoGP: Хафиз Сиахрин ќе го замени Фолгер

Малезискиот возач, Хафиз Сиахрин е еден од главните кандидати кои ќе го заменат Германскиот возач Јонас Фолгер во MotoGP тимот на Monster Yamaha Tech 3 за сезоната 2018. Со ова, дваесет и три годишниот возач би можел да стане првиот натпреварувач кој доаѓа од Југо Источна Азија.

Следете нè на:

 

Фолгер кој се уште има здравствени проблеми и кој минатата недела соопшти дека ќе ја пропушти целата сезона, на тестот во Сепанг беше заменет од Јони Хернандез. Но со оглед на тоа дека тој потпиша договор со Pedercini Kawasaki  кои се дел од Супербајк серијата, изгледа дека Колумбиецот имаше само една трка за Француската екипа.

698134

Фактот дека Сиахрин е поддржан од Сепанг и е дел од нивниот развоен проект, би можел многу да ги олесни работите.

Зборувајќи за MCN, шефот на тимот, Ерв Поншарал потврди дека Малезискиот возач се наоѓа на нивниот список со потенцијални замени но сепак изјави дека екипата се уште не ја донела конечната одлука.

„Во моментов, ништо не е одлучено бидејќи некои од моите партнери имаат поинакви приоритети. На оние кои што се од Америка, важни им се едни работи, додека пак на оние од Азија, други.“

„Сиахрин е еден од оние возачи кои досега не беше на листата но сега е. Но верувајте ми, одлуката се уште не е донесена. Навистина сум изморен од целата оваа ситуација. Мораме да преговараме со производителите на мотоцикли и со спонзорите бидејќи кога го склучив договорот, дел од тимот беа Зарко и Фолгер. За секоја промена треба повторно да се преговара. “

И покрај тоа што има само дваесет и три години, Сиахран помина околу 5 години во средната класа откако за прв пат се приклучи на серијата во 2013 година. Најдобар пласман на табелата имаше во 2016 година кога се најде на деветото место, а минатата година два пати и се искачи на подиумот.

Би можело да ве интересира

Викендов на патеката Орман во Скопје се вози третата и последна трка од шампионатот на Македонија во мотокрос.

Фантастична борба за победата ја одбележа првата трка за ГН на Тајланд која му припадна на Марк Маркез.

Слободно можеме да кажеме дека новите модели кои ги прикажа Ducati за време на Intermot беа помалку резервирани.

За време на изложбите во Париз и Intermot, Honda го претстави новиот Super Cub C125 кој се очекува да се најде на пазарот оваа есен.

Не сите модели кои ќе ги видиме на Intermot имаат нова технологија, неколку мотоцикли за 2019 година добија само нова боја.

Денешните квалификации во Тајланд го однесоа Марк Маркез на нова пол позиција.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.