Хорхе Лоренцо ја направи борбата за титулата во MotoGP шампионатот многу поинтересна откако ја постигна првата победа за Ducati на Италијанската Гран При трка.

Пет-кратниот шампион, водството го презеде уште на самиот старт и успеа да го сочува до самиот крај на трката во Муџело. На крајот тој заврши со предност од шест секунди пред тимскиот колега Андреа Довициозо.

jl

Веднаш по трката Лоренцо изјави: „Многу сум среќен. Вчера изјавив дека ќе ми биде остварување на сонот доколку успеам тука да победат со мотоциклот на Ducati, а денеска тој сон ми се оствари. Ова е една од најзначајните победи во мојата кариера, веројатно еднаква со победата во класата од 125cc во 2003 година и со онаа во MotoGP во 2008 година. Навистина сум среќен поради тимот бидејќи стигнавме до победата на домашната патека на Ducati.“

„Утрово ми стана јасно дека можеме да дојдеме до победа, и иако бев малку загрижен поради перформансите на пневматиците, одлучив веднаш да притиснам бидејќи таков е мојот стил. За среќа се помина перфектно. Не можам да побарам ништо повеќе од ова и сега останува само да го прославиме успехот кој го постигнавме.“

731143 copy

А иако Довициозо можеби е среќен со второто место после несреќата која ја имаше на патеката во Ле Ман, такво нешто не може да се каже за актуелниот шампион Марк Маркез кој излета надвор од патеката во борбата за место на подиумот.

Валентино Роси конечно успеа да се искачи на подиумот откако стигна до третото место по долгата борба со Андреа Ианоне, Алекс Ринс и Кал Кратчлоу. Данило Петручи, Маверик Вињалес и Алваро Баутиста ги заокружија првите десет места.

Во генералниот пласман по 6 извозени трки ситуацијата е следна:

Поз.ВозачМоторЗемјаПоени
1 Marc MARQUEZ Honda SPA 95
2 Valentino ROSSI Yamaha ITA 72
3 Maverick VIÑALES Yamaha SPA 67
4 Andrea DOVIZIOSO Ducati ITA 66
5 Johann ZARCO Yamaha FRA 64
6 Danilo PETRUCCI Ducati ITA 63
7 Andrea IANNONE Suzuki ITA 60
8 Cal CRUTCHLOW Honda GBR 56
9 Jack MILLER Ducati AUS 49
10 Jorge LORENZO Ducati SPA 41
11 Alex RINS Suzuki SPA 33
12 Dani PEDROSA Honda SPA 29
13 Tito RABAT Ducati SPA 27
14 Pol ESPARGARO KTM SPA 23
15 Alvaro BAUTISTA Ducati SPA 19
16 Hafizh SYAHRIN Yamaha MAL 17
17 Franco MORBIDELLI Honda ITA 17
18 Aleix ESPARGARO Aprilia SPA 13
19 Takaaki NAKAGAMI Honda JPN 10
20 Bradley SMITH KTM GBR 7
21 Mika KALLIO KTM FIN 6
22 Scott REDDING Aprilia GBR 5
23 Karel ABRAHAM Ducati CZE 1
24 Thomas LUTHI Honda SWI  
25 Xavier SIMEON Ducati BEL
Back To Top