MotoGP

MotoGP: Втора победа за Лоренцо во низа

Хорхе Лоренцо (Ducati) постигна победа на трката која овој викенд се возеше на патеката во Каталонија.

Следете нè на:

 

На крајот, тој успеа да стигне до неговата втора последователна победа со предност од 4 секунди. Марк Маркез (Repsol Honda) трката ја заврши на второто место и ја зголеми предноста во генералниот пласман, а трета трка по ред, Валентино Роси (Movistar Yamaha) завршува на третата позиција.

734387

Исто како и на трката во Муџело и трката во Барселона ја одбележа Лоренцо. Но овој пат, возачот на Ducati, не стартуваше од пол позицијата. Андреа Ианоне (Suzuki Ecstar) на стартот успеа да се пробие на втората позиција, а веднаш зад него беше Лоренцо.

Сепак, Шпанецо не остана долго на таа позиција. Веќе во вториот круг тој успеа да ги претекне Ианоне и Маркез. Неговиот тимски колега Андреа Довициозо се наоѓаше на третото мето но во деветиот круг од трката тој излета надвор од патеката. Ова за него е трет пат оваа сезона како на ваков начин ја завршува трката и со тоа сериозно му се намалуваат шансите за освојување на титулата.

Валентино Роси трката ја заврши со заостанување од 3.2 секунди зад второто место додека пак разликата меѓу Лоренцо и Маркез во еден момент изнесуваше нешто повеќе од една секунда. Сепак, неколку круга по ред, Лоренцо постигнуваше време од 1,40 секунди по круг и на крајот успеа да направи разлика од 4.479 секунди.

Роси беше осамен на третата позиција и успеа уште еднаш да се искачи на подиумот. Кал Кратчлоу (LCR Honda Castrol) беше четврти. Британецот неколку круга се бореше за подобар пласман со возачот на Honda, Дани Педроса кој на крајот сепак мораше да се задоволи со петото место.

А продолжуваат проблемите на стартот за Маверик Вињалес (Movistar Yamaha) кој иако стартуваше од четвртото место, првиот круг го заврши на десетата позиција. На крајот, Шпанецот успеа да стигне до шестото место и да заврши пред Јохан Зарко (Monster Yamaha Tech 3). Данило Петручи (Alma Pramac Racing) целната линија ја помина како осми најбрз возач додека пак Алваро Баутиста (Angel Nieto Team) беше седум ссекунди зад него и на крајот се најде на деветата позиција.

По добриот старт, Ианоне падна долу на табелата и на крајот трката ја заврши на десетото место. Пол Еспаргаро (Red Bull KTM Factory Racing) четврти пат по ред се наоѓа на единаесетото место. Скот Рединг  (Aprilia Racing Team Gresini) и Карел Абрахам (Angel Nieto Team) на крајот се најдоа на дванаесетото и тринаесетото место.

Бредли Смит(Red Bull KTM Factory Racing) кој во првите неколку круга беше на осмата позиција, не успеа да ја заврши трката, а покрај него до крајот не успеаа да извозат и Мика Калио (Red Bull KTM Factory Racing), Силвиан Гинтоли (Team Suzuki Ecstar), Том Лути (EG 0,0 Marc VDS), Алеш Еспаргаро ( Aprilia Racing Team Gresini) и Хавиер Симеон (Reale Avintia Racing).

Хафиз Сиахрин (Monster Yamaha Tech 3) иако изгледаше дека на крајот ќе се најде меѓу најдобрите десет возачи, сепак и тој излета надвор од патеката. Тешкиот викенд кој го имаше Алекс Ринс (Suzuki Ecstar) продолжи и за време на трката и тој во дванаесетиот круг мораше предвреме да се повлече. Џек Милер (Alma Pramac Racing) трката ја заврши во осумнаесетиот круг, а предвреме мораше да заврши и Тито Рабат (Reale Avinita Racing) откако се запали неговиот мотоцикл.

mgp 1

Би можело да ве интересира

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Piaggio Beverly, лидерот кај скутерите сега има мотор кој е во согласност со Euro4 стандардот,  променет изглед како и спортски и агресивен пакет.

Новиот Ducati Diavel S spied има нов мотор, рамка, задна вилушка, Öhlins суспензија и подобра електроника

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!