Новото засилување за тимот на Кавасаки, популарниот Џонатан Реа се избори за суперпол позиција на првата трка од Супербајк шампионатот кој изутрина се вози на патеката Филип Ајленд во Австралија.

Новото засилување за тимот на Кавасаки, популарниот Џонатан Реа се избори за суперпол позиција на првата трка од Супербајк шампионатот кој изутрина се вози на патеката Филип Ајленд во Австралија.

Суперпол 1 сесијата беше прекината со црвено знаме по само 9 минути заради ладната темпрература на патеката, по паузата сесијата продолжи, а во неа забележителен беше настапот на Трој Бејлис. Трој на крајот се квалификуваше на 14-та позиција, имајќи во предвид дека доживеа пад на 4-та тренинг сесија, како и тоа дека нема настапено на трка од 2008 година, ова е одличен резултат за него.

Суперпол 2 сесијата беше исполнета со акција, неколку возачи се искачуваа на провизорната пол позиција пред Џоната Реа (Кавасаки) да дојде до неа, пред Чаз Дејвис (Дукати) и Леон Хаслам (Априлија). Од вториот ред на утрешната трка која е со траење од 22 круга ќе стартуваат Микаел ван дер Марк (Хонда), Алекс Ловс (Сузуки) и новајлијата во Супербајк, Нико Терол.

Првата рунда започнува во недела во 2 часот по полноќ со првата трка, во 03.15 на програмата е Суперспорт трката, а втората трка од Супербајк класата започнува во 5 часот изутрина. Пренос во живо од сите трки ќе има на ЕуроСпорт каналот.