Harley-Davidson ќе го престави новиот 1250 Custom модел во 2021 година. Тој ќе дели иста платформа заедно со Pan America авантуристичкиот модел.

Веќе подолго време знаевме дека Pan America ќе се појави на пазарот но немавме никакви информации за 1250 Custom. Кога компанијата го постави новиот извршен директор Јохен Заиц, некаде на почетокот на пандемијата, H-D тивко го повлече Bronx streetfighter од страницата посветена на идните модели.

За 1250 Custom се веруваше дека ќе биде последен од трите модели кој ќе биде преставен  Сепак, со оглед на тоа дека досега не слушнавме никаква информација за него, претпоставувавме дека го снашла истата судбина како и Bronx.

Но 1250 Custom не можеше да дојде во подобро време за компанијата која веќе подолго време се мачи да привлече нови возачи. Конкуренцијата, како што е Indian Scout, нуди помодерни и помоќни опции а плус и 1100 Rebel на Honda е нов играч на пазарот. Исто така тука се и построгите правила за емисија на штетни гасови.

Засега има многу малку информации околу новиот модел но знаеме дека ќе го има новиот water-cooled 250cc 60-degree V-twin Revolution мотор на Harley. Од компанијата велат дека тој ќе има најмалку 145bhp и 90lb.ft of torque. Кај верзијата Custom сепак очекуваме тој да биде малку променет и да има помала моќност а поголем број на вртежи.

Од Harley велат дека новиот мотор ќе биде модуларен што би можело да биде совршено за A2 compliant cruiser.

Кога можеме да го најдеме во продавниците? Очекувајте оваа машина целосно да биде преставена во ноември 2021 година а потоа и да се најде и на пазарот.

Во меѓувреме, очекувајте го преставувањето на Pan America, веројатно во првите неколку недели од новата година.