Шестата рунда од МотоГП шампионатот можеше да биде една од нај возбудливите во сезоната, но Јамахата на Роси се расипа во осмиот круг, па на крајот се задоволивме со битката за првата позиција помеѓу Лоренцо и Маркез која траше до самиот крај.

Домашната патека на Валентино Роси се покажа како малерозна за Италијанецот, неговиот мотор издржа до осмиот круг по кој мораше да се повлече. Роси и Лоренцо возеа фантастична трка и прикажаа одлична борба за првата позиција од самиот старт но за жал пехот на Докторот не лиши од она што можеше да биде нај возбудливата трка во сезоната.

Сепак за да не следиме досадна трка до крајот се погрижи Марк Маркез кој покажа дека кога сака може да вози за првото место па така до самиот крај му зададе вистински предизвик на Лоренцо кој успеа да ја одбрани првата позиција за само 0.019 делови од секундата! Разликата помеѓу двајцата Шпанци беше неверојатна мала, па навистина е вистинско чудо тоа што издржа јамахата на Лоренцо, кој утринава исто така имаше проблеми со моторот.

Првпат од 2008 година, Роси со својата Јамаха беше на пол-позицијата во Муџело, каде што имаше над 100.000 луѓе кои го исчекуваа неговиот триумф. Меѓутоа на стартот, Хорхе Лоренцо од петтото место изби напред, додека второпласираниот Маверик Вињалес падна на 11-то место.

Андреа Јаноне со Дукати имаше фантастична трка за да го освои последното место на подиумот пред вториот возач на Хонда, Дани Педроса. Со победата, Лоренцо сега има 115 поени во генерален пласман, 10 повеќе од Маркез, додека Роси без поени е далеку на третото место со 78 поени.  Поени за своите тимови обезбедија и Дани Педроса, Довициозо, Вињалес, Смит, Петручи, Алеш Еспагаро и Микеле Пиро.

Резултати од денешната трка:

Следната трка се вози на патеката Каталуња во Шпанија на 5-ти јуни.