Red Bull Ring во Шпилберг се чини дека е совршена патека за Ducati. На крајот од првиот ден од тестирањето, Андреа Довициозо се најде на врвот на табелата и заврши со предност од шест десетинки пред Андреа Јанон.
Red Bull Ring во Шпилберг се чини дека е совршена патека за Ducati. На крајот од првиот ден од тестирањето, Андреа Довициозо се најде на врвот на табелата и заврши со предност од шест десетинки пред Андреа Јанон.
Скот Рединг го постигна третото најдобро време и се најде пред официјалниот тест возач, Кејси Стонер. Во гаражите има гласини дека Стонер го користи овој тест за да процени до каде е неговата форма бидејќи постои можност тој да настапи на Австриската Гран При трка.
Маверик Вињалес беше првиот возач кој не настапува на Ducati и заврши на петото место. Сепак тој се најде меѓу три други возачи на Ducati, Хектор Барбера, Јуџин Лаверти и Данило Петручи.
Валентино Роси беше најбрзиот возач на Yamaha, но сепак тој имаше заостанување од 1.3 секунди во однос на Довициозо. Неговиот тимски колега Хорхе Лоренцо, беше побавен за една десетинка.
На Red Bull Ring за прв пат се појави и тимот на КТМ. Тест возачот Мика Калио беше најбрз меѓу возачите на тимот и на крајот заврши со заостанување од 2.292 секунди зад Довициозо. Сепак, нема да ја дознаеме вистинската моќноста на КТМ се до почетокот на следната година
На патеката во Асен, еден од инжињерите на КТМ изјави дека мотоциклот е подготвен за MotoGP возач.
На тестот присуствуваше и тимот на Aprilia, но со оглед на фактот дека нивните мотоцикли не беа опремени со мерачи на време, не ги знаеме нивните резултати.
Возачите на Repsol Honda и Tech 3 Yamaha, не учествуваат на тестовите. Има гласини дека Ducati, кој го организира тестот, ставиле вето на присуството на Repsol Honda како реакција на одлуката на Honda во гласањето за забрана на крилцата во MotoGP.
Возачите на Tech 3сепак ќе бидат ангажирани со други настапи. Пол Еспаргаро замина во Јапонија и ќе биде дел од трката „Suzuka 8-Hour“.
Тестовите ќе продолжат утре.
Поз. | Возач | Мотор | Време | Разлика | Претход. |
1 | Andrea Dovizioso | Ducati | 1:23.764 | – | – |
2 | Andrea Iannone | Ducati | 1:24.347 | 0.583 | 0.583 |
3 | Scott Redding | Ducati | 1:24.461 | 0.697 | 0.114 |
4 | Casey Stoner | Ducati | 1:24.502 | 0.738 | 0.041 |
5 | Maverick Vinales | Suzuki | 1:24.595 | 0.831 | 0.093 |
6 | Hector Barbera | Ducati | 1:24.649 | 0.885 | 0.054 |
7 | Eugene Laverty | Ducati | 1:24.751 | 0.987 | 0.102 |
8 | Danilo Petrucci | Ducati | 1:24.992 | 1.228 | 0.241 |
9 | Valentino Rossi | Yamaha | 1:25.054 | 1.290 | 0.062 |
10 | Yonni Hernandez | Ducati | 1:25.171 | 1.407 | 0.117 |
11 | Jorge Lorenzo | Yamaha | 1:25.175 | 1.411 | 0.004 |
12 | Aleix Espargaro | Suzuki | 1:25.223 | 1.459 | 0.048 |
13 | Jack Miller | Honda | 1:25.345 | 1.581 | 0.122 |
14 | Cal Crutchlow | Honda | 1:25.438 | 1.674 | 0.093 |
15 | Loris Baz | Ducati | 1:25.994 | 2.230 | 0.556 |
16 | Mika Kallio | KTM | 1:26.056 | 2.292 | 0.062 |
17 | Tito Rabat | Honda | 1:26.195 | 2.431 | 0.139 |
18 | Tom Luthi | KTM | 1:26.405 | 2.641 | 0.210 |