Занимливости

Мотоцикл на неделата: Рачно изработена посвета на Јури Гагарин

Започнувајќи со лансирањето на Спутник 1, ривалството меѓу САД и Советскиот Сојуз во однос на тоа кој прв ќе ја освои вселената предизвика рапиден напредок на технологијата.

Следете нè на:

 

Трката исто така им овозможи на некои луѓе и да се стекнат со светска слава. Еден од тие храбри пионери е Јури Гарагин кој на 12-ти април 1961 година стана првиот човек кој отиде во вселената и орбитираше околу земјата повеќе од два часа. Овој прекрасен „Twin Cam Harley“ е посветен токму на него, на неговите достигнувања, на Восток 1 и на почетокот на ерата на истражување на вселената.

yuri1

Откако се врати назад на земјата, Гагарин веднаш стана ѕвезда и херој на Советскиот Сојуз. Патуваше низ светот и беше дел од паради кои му беа посветени нему. За многу деца кои растеа во Советскиот Сојуз, Гагарин беше идол, легенда која имаше митски статус. Еден од тие деца беше и Јури Шиф, кој сега е сопственик на „Yuri Shif Customs“, компанија која се наоѓа во Минск, Белорусија.

yuri5

„YSC“ е составена од две лица, Јури и неговиот верен механичар Дмитри Лобанок. Заедно двајцата имаат изработено голем број на врвни мотоцикли. Нивните модели постојано се дел од настани како што се „AMD World Championship Of Bike Building“ и досега имаат освоено голем број на награди.

Шиф и Димос проектот го започнаа со Softail 2003 рамка која беше дизајнирана да прифати YSC вилушка и преден дел. Двајцата потоа на мотоциклот му додадоа и футуристични бандажи, 21 инчен напред и 18 инчен позади. А во срцето на овој модел се наоѓа „Harley-Davidson Twin Cam 88“ кој е опремен со „Twin Tec TCFI“ од четврта генерација.

yuri6

Штитниците на овој мотоцикл играат главна улога во севкупниот изглед на мотоциклот. Овие рачно изработени делови имаат големо влијание врз неговиот изглед и одлично се совпаѓаат со рачно изработените бандажи. Шиф исто така рачно ги изработи и резервоарот за гориво, седиштето како и резервоарот за масло. Во однос на осветлувањето, предното светло е изработено од YSC и одлично се совпаѓа со целокупниот изглед на мотоциклот. 

yuri7

Со црвена и сината боја на резервоарот за гориво е испишано и името на мотоциклот, а кај светлото пишува „СССР“. На задниот штитник, рачно е напишана познатата реченица на Гагарин која гласи: „Орбитирање околу земјата со вселенски брод. Видов колку е прекрасна нашата планета. Луѓе, да ја сочуваме и подобриме нејзината убавина, а не да ја уништиме“.

yuri9

Имам само една забелешка, а тоа е наместо „Harley“ посакував да ги користеа „Ural“ или „Dnepr“. Шиф и Димос посветоа големо внимание на деталите. YSC досега има создадено навистина уникатни верзии на Harley, а покрај тоа имаат создадено и прилично уникатен автомобил. Меѓу моделите кои треба да ги споменеме се „The Machine“, „The Duster“, „The Ducky“ и „The Terminator“.

yuri8

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!